در آپارات با ما باشید...

آپارات مکریان(کلیک کنید)
آبان ۱۶
0

Negar_06112017_134546

ھەتا نێڵەی نەیە ئاورگی دڵ، چەم پڕ لە نەم نابێ
ھەتا نەم دانەبارێ تینی ئەم ئاورگە کەم نابێ

لەناو ئاورینگ و ئاونگا شەوم ڕادەبرێ بێ ھەمدەم
بەڵێ شەوگاری تەنیایی بەبێ فرمێسک و خەم نابێ

ستەمکاری منی دوور خستەوە لەو یارە شیرینەم
ئیتر من چۆن ڕقی زۆرم لە ئازار و ستەم نابێ؟

ئەوی سەربەرزە لەم وێرانەدا تووشی خەم و دەردە
چیای سەرکەش ببینە قەت سەری بێ ھەور و تەم نابێ

لەناو دەریای خەیاڵم دیمەوە من گەوھەری نایاب
ھەمە گەوھەر، ئیتر چاوم لە دینار و درەم نابێ

وەرە ناو باوەشی گەرم و گوڕ و پڕ تاسە و مەیلم
رەدیفیش تێک بچێ پێم خۆشە من دەستم لە مەم دابێ

وەرە با ھەڵمژم ئەو لێوە شیرینە بە کەیفی خۆم
لەپاش ئەو تاڵییە با من دەمێک شەکرم لە دەم نابێ

پەلەت بێ، چاوەڕێتم، زوو وەرە، بەس خۆت بخافڵێنە
ھەزار جار ھێمنیش بم بۆ ویساڵت چۆن پەلەم نابێ؟

هێمن

نویسنده مطلب : Alinia

مشاهده کلیه مطالب ارسالی

پاسخ دهید